Lyrics for THE CROOKIT BAWBEE if you’re still looking:

O where awa got ye that auld crookit penny
For aane o bright gauld would ye niffer wi me
Right fu are baith ends o my green silken wallet
And braw will yer hame be in bonny glen shee

Its aye since I saw the dear laddie that had it
Wha when we were bairnies twa gied it tae me
For a the bright gauld in your green silken wallet
I never would niffer my crookit bawbee

O where awa got ye that auld worsted pladie
A mantle o satin were fitter for thee
I will cleed ye in satin and mak ye a lady
If ye will gang wi me to bonnie glen shee

Ye may cleed me wi satin and mak me alady
And I will gang wi ye tae bonnie glen shee
But the heart that beats true neath this auld worsted pladie
Was gien him lang syne for this crookit bawbee

Ye ken na the laddie that gied ye the penny
Ye ken na the laddie whos true been to thee
But I ken the lassie that wears the auld plaidie
The lassie that keepit my crookit bawbee

And yr are the laddie that gied me the penny
The laddie I'll loe till the day that I dee
Ye may cleed me in satin and mak me a lady
And I will gang wi ye to bonnie glen shee

HTML line breaks added --JoeClone, 27-Nov-01.