The version I've got is (apparently) from Willie Kemp of Aberdeen but it seems to resemble Andy Stewart's version or at least what little I can remember of it. Unfortunately, it doesn't have the 'English' bit in it.

I hope this comes out all right I'm not much good with HTML

THE MUCKIN' O' GEORDIE'S BYRE

1. When I want tae start launchin' I think on the scene
When a body roon aboot cam ow'r tae clean
But clairted themselves richt up tae the 'een
At the muckin' o' Geordie's byre
Siccin a sotter was a' body in
Five mile awa ye could hear the din
Even the vera coo had tae grin
At the muckin' o' Geordie's byre

2. The whisky gaed roon Tammy flee' in the doo
And aye as they drank the mair they got fou
The only anes sober the calf and the coo
At the muckin' o' Geordie's byre
Tammy roared oot ring the bell noo for mair
Syne tuggit the coo's tail and pulled oot the hair
When she kickit oot he gaed up in the air
At the muckin' o' Geordie's byre

3. The first on the besom was Teeny McCrew
Sittin' doon on the stibble end 'cause she was fou
And she kickit up a hullaballoo
At the muckin' o' Geordie's byre
She yowled like a ship in distress in a gale
And aye on the sair bit puir Teeny wad wail
So they bandaged her up wi' her auld bridal veil
At the muckin' o' Geordie's byre

4. The bobby cam ower tae quell doon the soun
The craiter got lost whar the rucks hae their foun
He fell intae the midden and was likely tae droon
At the muckin' o' Geordie's byre
The weight o' him syne sent the barra in bits
The wheel carried on and the auld wife it hits
Losh ye should hae seen how she did the splits
At the muckin' o' Geordie's byre

5. Geordie lay doon sayin' he wanted tae dee
Syne wanted the lave o's a farewell tae gie
Fell asleep in the straw wi' the barley bree
At the muckin' o' Geordie's byre
He dreamt and said "Mistress I'll kiss ye the noo,
But losh fut's gane wrang ye've an awfa' weet mou"
When he crackit a spunk he was kissin' the coo
At the muckin' o' Geordie's byre

6. Ane by ane coupit ower in the greip
Ane by ane they a' fell asleep
By and by the moon took a peep
At the muckin' o' Geordie's byre
On the riggin' an owlet lat oot a yahoo
Hut they didna' need ony hush-ee balloo
Reveille next day was the moo o' the coo
At the muckin' o' Geordie's byre

Words by Willie Kemp, Aberdeen, adapted from the original