TtBfSS- hope this helps, these are the words as I know them.Tune sort of 'putting on the style'- Lonnie Donegan.
THE NEW TEACHER
(Written by Jim Douglas)

chorus: Now is a Dove a Doo Dad?
            Is a Doo a Dove?
          And is a cow a coo Dad?
          A sparrow jist a spyug?
          And is a wall a wa' Dad?
          Is a dog a dug?
          She's gawn tae warm ma ear Dad
          Instead o' skelp ma lug.

Oor new teacher's awfi posh Dad
She chinges aw oor names
Oor Shuggie is now 'Hugh' Dad
And Jimmy's always 'James'
'Am puzzled wi' it a' Dad
Tae why she shoogles words
Ans ah must be glaekit no' tae ken
That feathered friends are 'burds'

chorus.

Now there's twa words for everything
They're shoogled in ma heid
How can I be well bred Dad
When ah keep sayin' 'breed'
Now is a crow a 'craw' Dad?
Is a bull a 'buul'?
A'm goin' tae try ma best Dad
Ah wuull, ah wuull, ah wuull.

chorus.

Well ye've taught me aw wrong Dad
Ye call a ball a 'baw'
Yer wife is now my mother Dad
Ye said she wiz ma maw
It fairly maks me scunnered
Ah'll never pass ma test
A'm no sure whit a'm wearing noo - a semmet or a vest.

chorus