O but the oors run fast awa' like the Kelvin tae the Clyde
Sin on its bonny gowan banks, I woo'd thee for my bride
My ain dear lass, sae sweet and fair, sae artless and sae young
When love wis a' the grief we kent, and ye my only care

Time wears awa' time wears awa'
And winna let us be
It stole the wild rose frae yer cheek
And the blythe blink frae yer ee

When wids were green and flooers fair and ye were a' my ain
I little reckoned whit years wid bring o porteth toil and pain
Some waefu' oors hae clapped their wings, dark shadows o'er oor lot
Sin like twa cushats o the glen we strayed in this dear spot

The voices o' oor happy days steal on oor dreams by nicht
And cherish'd mem'ries rise and glow wi' their depairted licht
But still the birds and burnies sing their wilder'd melody
As in the gowden dawn o' youth when we were young and free