Lyr. Add: MY HIGHLAND LASSIE, O
Robert Burns

Nae gentle dames, tho' e'er sae fair,
Shall ever be my muse's care:
Their titles a' are empty show;
Gie me my Highland Lassie, O.

Chorus:
Within the glen sae bushy, O,
Aboon the plain sae rashy, O,
I set me down wi' right guid will,
To sing my Highland lassie, O.

O were yon hills and vallies mine
Yon palace and yon gardens fine!
The world then the love should know
I bear my Highland lassie, O.

But fickle fortune frowns on me,
And I maun cross the raging sea!
But while my crimson currents flow,
I'll love my Highland lassie, O.

Altho' thro' foreign climes I range,
I know her heart will never change,
For her bosom burns with honour's glow,
My faithful Highland lassie, O.

For her I'll dare the billows roar,
For her I'll trace a distant shore,
That Indian wealth may lustre throw
Around my Highland lassie, O.

She has my heart, she has my hand,
By secret troth and honour's band!
Till the mortal stroke shall lay me low,
I'm thine, my Highland lassie, O.

Farewell the glen sae bushy, O!
Farewell the plain sae rashy, O!
To other lands I now must go,
To sing my Highland lassie, O.

Tune- The Deuks dang o'er my daddy.

Looking for lyrics about lassies, and this song by Robert Burns was the only one I found. Laddies by the bushel, but few lassies.
The song is thought to be about the Scots who went to the West Indies. Speculation also about the attachment to Highland Mary.

Five or so years ago, someone asked for a song about a Highland lassie from auld Aberdeen, but such has not been found. One of the Highland Laddie songs mentions a girl in Aberdeen, but no song about the lassie herself.