The version in The Scottish Minstrel: The Songs of Scotland Subsequent to Burns, by Rev. Charles Rogers William P. Nimmo, 1872 ed., p. 271; lyrics only) and Maver's Collection of Genuine Scottish Melodies, edited by George Alexander (Robert Maver, n.d.[18??], p. 235; with music) is longer. The following text is from the former (differences from the latter are given in square brackets). John Imlah was born in North Street, Aberdeen, on the 15th November 1779.

OH![O!] GIN I WERE WHERE GADIE RINS

    Oh![O!] gin I were where Gadie rins,
    Where Gadie rins, where Gadie rins--
    Oh,[O!] gin I were where Gadie rins
       By the foot o' Bennachie!

I've roam'd by Tweed, I've roam'd by Tay,
By Border Nith, and Highland Spey,
But dearer far to me than they
    The braes o' Bennachie.

When blade and blossoms sprout in spring,
And bid the burdies[birdies] wag the wing,
They blythely bob, and soar, and sing
    By the foot o' Bennachie.

When simmer cleeds the varied scene
Wi' licht o' gow'd[gowd] and leaves o' green,
I fain woud[wad] be where aft I've been
    At the foot o' Bennachie.

When autumn's yellow sheaf is shorn,
And barn-yards stored wi' stooks o' corn,
'Tis blythe to toom the clyack horn
    At the foot o' Bennachie.

When winter winds blaw sharp and shrill
O'er icy burn and sheeted hill,
The ingle neuk is gleesome still
    At the foot o' Bennachie.

Though few to welcome me remain,
Though a' I loved[lov'd] be dead and gane,
I'll back, though, I should live alane,
    To the foot o' Bennachie.

   Oh,[O!] gin I were where Gadie rins,
   Where Gadie rins, where Gadie rins--
   Oh,[O!] gin I were where Gadie rins
       By the foot o' Bennachie.