The Mudcat Café TM
Thread #56732 Message #1104256
Posted By: Cuilionn
29-Jan-04 - 09:22 AM
Thread Name: Mudcat Poetry Corner
Subject: RE: Mudcat Poetry Corner
Och, ye're aye a glorious bunch o wairdsmiths! But yir wee lassie's back tae test yir Scots-readin skills, sae Ah'm postin a "warm up exercise" (on mair than ane level) for ye tae peruse...
Ah postit this ane elsewhaur, twa days back, but Ah've tweakit the wairds a bit syne. Tis basit on the auld Celtic kythin that Winter cam when the Crone hardenit the yirth wi her sillar (silver) hammer, an Spring cam when the Maiden (aiblins Bridgit) cam thro, wavin her white wand tae saften the yirth aince mair.
IMBOLCTIDE
When yon Auld Grannie gyres an gimps
an unco dance on cranreuch groond
an gies her sillar curls a crimp,
Ye ken that Imbolc's comin roond.
When sillar hammers, blaw for blaw
fa habber-haird in hinmaist hone
then haud ye fast, for soon the thaw
will prize awa cauld winter's loan.
Nae lang she'll lanesame bide, nor sup
Wi'oot the dochter she lo'es best;
Nae grannie redds the kailyaird up
But for the thocht o some comin guest!
Nae mair the lanesame anvil-drum
Will mark the pace o Grannie's dance--
The Lass o the Lintin Wand shall come
An lowpin lambies hae their chaunce--
For Grannie Cailleach's time grows short
An wee snaw-drappies rowthie ring
for Bridgit cams, blithe hope tae sport
An after Bridgit cams-- the Spring!
Glossary: unco=strange, cranreuch=frosty, ken=know, Imbolc=Celtic Feast/source of Groundhog's Day, blaw=blow, fa=fall, habber=stutter, hinmaist=last, haud=hold, prize=pry, awa=away, wi'oot=without, dochter=daughter, redds the kailyaird up=cleans the place, thocht=thought, comin=coming, Lintin Wand=glinting wand of Bridgit, lowpin=leaping, chaunce=chance, Cailleach=crone/Celtic Earth-Goddess, snaw-drappies=snowdrops, rowthie=abundantly, cams=comes, blithe=joyous
--Yir vairsifyin lass, Cuilionn