Spring fairsts:

1) Ah've seen ma fairst snappin turtle (twa days agae, in the middle o the road, nae harm dane!).

2) Last nicht there wis a wild thunderstorm, an Ah drove hame ower roads imperil'd by thoosands o lowpin puddocks (frogs). Ah've ne'er seen the like afore-- an Ah hope tae Guidness Ah missit maist o them!

3) Twa professional fairsts:
    We jist gaet notice frae the state o Maine that oor 501(c)(3) paperwairk is duly filed, meanin we'll sune be able tae seek grants tae fund oor cultural programs (an aiblin e'en get masel a paycheck noo an then!)
    We jist put in oor fairst proposal on an auld schuil-hoose that we hope tae turn intae a Celtic Cultural Centre ca'd "Ceilidh House." We're proposin that a nearby toon gie us a token lease-price, in exchange for us reddin the plaice up, fixin the roof, etc. We wairkit unco haird on the proposal, ettlin tae convince the toon that we'll bring a hantle o intangible & tangible benefits tae the local folk. Keep us Celtic Cultural Wairkers o Maine in yir guid thochts an prayers, aye?