The Roud Folk Song Index lists this at number 9054, and cites a further example, in Emily Lyle, Andrew Crawfurd's Collection of Ballads and Songs II (1996) pp.110-111:

THE WEE BROUN TAPPIT HEN

(from Jennie Rotheram, Kilbirnie, Ayrshire)

As I gade by yon wee house
And by yon smiddie en
Out thare cam to me gau bye
A wee broun tappit hen

Out thare cam a wee hen
Seikand for its meit
I lifted up a muckle stane
And dang her aff her feit

An dang her aff her feit
And she never spak a word
And ilka egg the wee hen laid
It micht a bein a bird

It micht a bene a bird
And they soud a lat her be
For ilka day sho laid twa eggs
And sum days thrie

I'se bid baith lords and gentilmen
To meet at the Bogend
Ise bid baith lords and gentilmen
To bury my wee hen

To burie my wee hen
For they soud a lat her be
For ilka day sho laid twa eggs
And sum days thrie

Alake! my bonnie nyne lams
Was smurit ameng the snaw
For them that killit my wie hen
Ise try them at the law

Ise try them at the law
For they soud a lat her be
For ilka day sho laid twa eggs
And sum days thrie


End-note: "I heard Jennie Rotheram, alias Rottledam, alias Rattledam, sing this with a clear and coarse pipe to a child." The text was noted by Andrew Sloan, presumably a little after 1826.