The Mudcat Café TM
Thread #74012 Message #1291202
Posted By: Jim Dixon
07-Oct-04 - 08:56 AM
Thread Name: Lyr Req: Halloween (Violet Jacob)
Subject: Lyr Add: HALLOWE'EN (Violet Jacob, Jim Reid)
Susanne: My "Scots Dialect Dictionary," compiled by Alexander Warrack, gives:
daff v 1 to be foolish. 2 to sport. 3 to jest. 4 to talk nonsense. 5 to flirt. 6 to romp. 7 to toy amorously.
Lyrics copied from http://mysongbook.de/msb/songs/h/hallowen.html
Words, Violet Jacob (1920). Music, Jim Reid.
The tattie-liftin's nearly through,
They're plooin' whaur the barley grew
And efter dark roond ilka stack
You'll see the horsemen stand and crack
O Lachlan, but I mind on you.
I mind fu' aften we hae seen
Ten thoosand stars keek doon atween.
The naked branches, and below
Baith fairm and bothy hae their show
A-low wi' lichts o' Hallowe'en.
There's bairns wi' guys that's at their tail
Cloorin' the doors wi' runts o' kail
And fine you'll hear the screechs an' skirls
O' lassies wi' their drucked carles
Bobbin' for aipples i' the pail.
The bothy fire is loupin' heat.
A new heid-horseman's kist is set.
Richt's o'er the lamp whaur by the blaze
The auld yin stood that kept yer claes.
I cannae thole tae see it yet.
But gin the auld folks' tales are richt
An' ghaists cam hame on Hallow'n nicht,
Oh freend, oh freends, what would I gie
Tae feel yer axe yer hand tae me
Atween the dark an' coral licht!
Awa' in France across the wave,
The wee lichts burn on ilka grave
An' you an' me their lowes hae seen.
Ye'll maybe hae yer Hallowe'en
Yont whaur you're lyin' way the lave.
There's drink an' daff an' sang an' dance,
An' ploys an' kisses get their chance,
But Lachlan, man, the place I see
Is whaur the auld kist used tae be,
An' the lichts o' Hallowe'en in France.
[As sung by Jean Redpath on "Leaving the Land," 1990. Also recorded by The Sangsters on "Sharp & Sweet," 2001; and by Sheena Wellington on "Scots Women," 2001.]