The Mudcat Café TM
Thread #26070 Message #1381399
Posted By: GUEST
18-Jan-05 - 12:32 PM
Thread Name: Scottish Emigrant Songs
Subject: Lyr Add: THE WILD GEESE / NORLAN' WIND (Jacob/Reid
Here are the proper words to "Norlan' Wind."
The poem, by Violet Jacob is titled "The Wild Geese"
Jim Reid put it to music and called it "Norlan' Wind"
Nobody sang it better than the late Davey Steel (God rest his soul). Battlefield Band recorded it when he was with them. Makes me cry everytime I hear it.
Oh tell me fit was on your road
You roarin Norlan' wind,
As ye cam blawin' frae the land
That's never frae my mind,
My feet they traivel England
But I'm deein for the North.
My man I've seen the siller tides
Run up the Firth o Forth.
Oh wind I ken them weel eneuch
And fine they fall and rise,
And fain I saw the creepin mist
On yonder shore that lies,
But tell me as ye passed them by,
What saw ye on the way?
My man I rocked the rovin' gulls
That sail abune the Tay.
But saw ye naethin, leein' wind
Afore ye cam tae Fife?
For there's muckle lyin' yont the Tay
That's mair tae me nor life.
My man I've swept the Angus braes
Ye havna trod in years.
Oh wind, forgi'e a hameless loon
That canna see for tears.
And far beyond the Angus straths
I saw the wild geese flee,
A lang, lang skein o beatin wings
Wi' their heids towards the sea
And aye their cryin' voices trailed
Ahint them on the air...
Oh wind, hae mercy, hud yer wheesht,
For I daurna listen mair.