Here's Hogg's original, from Charles Rogers, The Scottish Minstrel: The Songs Subsequent to Burns (William P. Nimmo, 1872 ed., p. 108):
BONNIE PRINCE CHARLIE By James Hogg
Cam' ye by Athol, lad wi' the philabeg, Down by the Tummel or banks o'the Garry, Saw ye our lads wi' their bonnets and white cockades, Leaving their mountains to follow Prince Charlie? Follow thee! follow thee! wha wadna follow thee? Lang hast thou loved and trusted us fairly! Charlie, Charlie, wha wadna follow thee, King o'the Highland hearts, bonnie Prince Charlie?
I ha'e but ae son, my gallant young Donald; But if I had ten they should follow Glengary! Health to M'Donnell and gallant Clan-Ronald-- For these are the men that will die for their Charlie! Follow thee! follow thee! etc.
I'll to Lochiel and Appin, and kneel to them, Down by Lord Murray, and Roy of Kildarlie; Brave M'Intosh, he shall fly to the field with them, These are the lads I can trust wi' my Charlie! Follow thee! follow thee! etc.
Down through the Lowlands, down wi' the Whigamore! Loyal true Highlanders, down wi' them rarely! Ronald and Donald, drive on, wi' the broad claymore, Over the necks o' the foes o' Prince Charlie! Follow thee! follow thee! wha wadna follow thee? Lang hast thou loved and trusted us fairly! Charlie, Charlie, wha wadna follow thee, King o'the Highland hearts, bonnie Prince Charlie?