The Mudcat Café TM
Thread #7193 Message #1491836
Posted By: Jim Dixon
24-May-05 - 08:01 AM
Thread Name: Lyr Req: Sleepy Toon (from Wolfstone)
Subject: Lyr Add: SLEEPY TOON
Copied from a Dougie MacLean fan page.
SLEEPY TOON
It happened at last Whitsuntide
I tired o' ma place
And I gaed up to Imsch tae fee
My fortune for tae chase
CHORUS: And sing irry irrity arry
And sing itty irrity an
I fell in wi' Adam Mitchell
And wi' him I did presume
He's a fairmer up Kinnethmont way
At a place called Sleepy Toon
Says he if you'll agree wi' me
Ye'll get the fairest play
For I never gar my servants work
Mair nur ten hours a day
It was on a Monday mornin'
We gaed into Sleepy Toon
And he's ranked us in good order
For to lay his turnips doon
And the orders were to bed at six
And never leave the Toon
And for ilka time we left it
We'd be fined half-a-crown
Ah but we paid lettle heed to this
And often took the pass
Sometimes to buy tobacco
And sometimes to court a lass
But now the term is roond again
And our wages we hae won
So we're awa' to Riny Meer
To rise us up some fun
And when we're ower in Alford
We'll gar the glass go roond
And we'll tell them o' the usage
That we had in Sleepy Toon
And maybe I'll see old Adam
A-suppin' at his brose
I'll gie him a len o' ma hanky
For to dicht his snotty nose