Here's the version from Greig-Duncan. There are some differences with Gordeanna's version, so if this was her source, she's adapted it a bit. A great singer though, not seen nearly often enough South of the border.

Mick

---

JOHNNIE, MY LAD

Hey Johnnie lad, are ye thinkin' o' risin'?
The day is far spent, and the nicht comin' on;
When there ye sit drinkin' and leave me lamentin',
So rise up, my Johnnie, and come awa' hame.

O hey Johnnie lad when we were first acquaint,
Nae hunger nor thirst wad hae troubled my mind,
When we could walk oot in a fine summer gloamin',
And never ance thocht o' gaun awa' hame.

But oh Johnnie lad, that days are forgotten,
That days are far spent and they'll never come again;
But we'll hope for the future and try and dae better,
So rise up, my Johnnie, and come awa' hame.

Oh hey Johnnie lad, the bairnies are a' greetin',
Nae meal in the barrel tae fill their we mou's;
And there ye sit drinkin' and leave me lamentin',
So rise up, my Johnnie, and come awa' hame.

When Johnnie heard this, tae the door he gaed stoopin',
Says, Wae's to the tavern that e'er I cam' in;
Says, Farewell whisky, for thee I'm aye thirsty,
I'll nae mair gang a-drinkin' at e'en.

Noo Johnnie can walk oot in a fine summer gloamin',
Wi' his wife and his bairnies fu' neat and fu' clean;
When nae lang afore they were hingin' in tatters,
And Johnnie in the alehoose drinkin' at e'en.


Source:: The Greig-Duncan Folk Song Collection Vol 3 ed Shuldham-Shaw, Lyle & Hall. Collected from Miss Annie Shirer.

The notes say: "From a Mr John Dick, twenty-five years ago. He is now in Fraserburgh and is a fine singer by ear" A.S.