I've been wondering about this myself, I can only hear a few words, but the CD sleeve has the following


PAWKIE PAITERSON'S AULD GREY YAUD
Words by John Ballantyne, music by Adam Grant

As aw was gaun up Hawick loan yeh monaday at morn
Aw heard a puir auld grey meer gi'e many a heavy groan
Gi'e many a heavy groan sir & this she said tae mei
Aw'n Pawkie Paiterson's auld grey yaud sei how they're guidin mei

The miller O Hawick mill bred me & that aw du weel ken
The miller o Hawick fed mei wi mony a sort o' corn
But now the case is altered & this ye plainly sei
Aw'm Pawkie Paiterson's auld grey yaud, see how they're guidin mei

When a' the rest's set tae the corn aw'm set out tae the fog
When a' the rest's set tae the haye aw'm set oot tae the bog
As aw gaed intae Hawick moss twas like tae swally me
Aw'm Pawkie Paiterson's auld grey yaud sei how they're guidin mei

& as for Nellie Harkness she rises in the morn
& cries "O godsake uncle, the yaud's among the corn"
Hei tuik his muckle pleugh-staff then & cam & swabbled mei
Aw'm Pawkie Paiterson's auld grey yaud sei how they're guidin mei

There's auld Rab Young o' the back Raw hei's of'en shod ma clutes
Sae Aw wull leave him ma shank bones tae bei a pair o' butes
If he pushes his legs weel in them they'll come up tae his knei
Aw'm Pawkis Paiterson's auld grey yaud sei how they're guidin me

& as for Peggy Duncan she is a bonnie lass
Aw'll leave her my auld een holes tae be a keekin' gless
Tae gar her ee sei streichter for the of'rn stand aglei
Aw'm Pawkie Paiterson's auld grey yaud sei how they're guidin mei

As for the minister o' Wilton his coat is worn gey thin
& for tae keep hime frae the cauld Aw'll leave him ma auld skin
Wi' hide & hai tae keep him warm as lang as it's dune mei
Aw'm Pawkie Paiterson's auld grey yaud sei how they're guidin mei

& as for Staney Stewart hei's of'en scarce o' stanes
& for tae mend his auld fail dykes Aw'll leave him ma auld banes
& a' the Callants o' Hawick loan wull make bane-fires o' mei
Aw'm pawkie Paiterson's auld grey yaud sae that's the end o' mei


There's info re the source of the song as well, I'll post that later.

It's a song I like listening to.

halaswell