Please, a check to this transcription. I didn't know Jeannie Robertson had recorded this ballad, until I found this lp. R

Johnny the Brine
^^ Jeannie Robertson, The World's Greatest Folksinger, Prestige/International 13006

Johnny he raised one May morning
Called watter tae wash his hands
Roaring - Bring tae me my twa greyhounds
That are bound in iron bands, bands
That are bound in iron bands

His auld wife she rung her hands -
Tae the greenwoods dinnae gang
For the sake o the venison
Tae the greenwoods dinnae gang, gang
Tae the greenwoods dinnae gang

But Johnny went up through Monymusk
And doon and through some scrogs
And it was there he spied a dun deer leap
She was lying in a field o sprogs, sprogs
She was lying in a field o sprogs

The first arrow he fired at her
He wounded her on the side
And between the water and the wids
For his groundhounds laid her pride, pride
For his groundhounds laid her pride

Johnny and his twa greyhounds
Drank sae muckle o her blood
That Johnny an his twa greyhounds
Fell a-sleeping in the wids, wids
Fell a-sleeping in the wids

By came a silly auld man
And an ill death may he dee
He went up and telt the first forrester
And he telt what he did see, see
And he telt what he did see

If that be the young Johnny the Brine
Ye'd better let him a-be
If that is young Johnny the Brine
Ye'd better let him a -be, a-be
Ye'd better let him a -be

He went up and telt the seventh forester
He was Johnny' sister's son -
If that be young Johnny the Brine
Tae the green wids we will gang, gang
Tae the green wids we will gang

The first arrow they fired at him
They wounded him on the feet
And the second arrow they fired at him
For his hert's blude blint his ee, ee
For his hert's blude blint his ee

But Johnny rose up wi a angry growl
For a angry man was he -
I will kill a' you six foresters
And brak the seventh one's back in three, three
And brak the seventh one's back in three

He placed his fit upon a stone
And his back against a tree
An he kilt a' the six foresters
And broke the seventh one's back in three, three
And broke the seventh one's back in three

Johnny broke his back in three
And he broke his collar-bone
An he tied him on his grey mare's back
For to carry the tidings home, home
For to carry the tidings home