KING ORFEO
Child 19A
Bronson 19.2
Archive - School of Scottish Studies
Sung by Kitty Anderson
Collected by Francis M. Collinson

DER lived a king inta da aste,
[Scooner le groon]
Der lived a lady in da wast.
[Whar yorten han groon varley]

Dis king he has a huntin gaen,
Hes left his Lady Isabel alane.

Oh I wis yed never gaen away,
For at your hame is dol an wae.

For da king o Ferrie we his daert,
Has pierced your lady to da hert.

And aifter dem da king has gaen,
But whan he cam it was a grey stane.

Dan he took oot his pipes ta play,
Bit sair his hert wi dol an wae.

And first he played da notes o noy,
An dan he played da notes o joy.

An dan he played da god gabber reel,
Dat meicht ha made a sick hert hale.

Noo come ye in inta wir ha,
An come ye in among wis a.

Now hes gaen in inta der ha,
An hes gaen in among dem a.

Dan he took out his pipes to play,
Bit sair his hert wi dol an wae.

An first he played da notes o noy,
An dan he played da notes o joy.

An dan he played da god gabber reel,
Dat meicht ha made a sick hert hale.

Noo tell to us what ye will hae:
What sall we gie you for your play?

What I will hae I will you tell,
An dats me Lady Isabel.

Yees tak your lady, an yees gaeng hame,
An yees be king ower a your ain.

Hes taen his lady, an hes gaen hame,
An noo hes king ower a his ain.



KING ORFEO
Bronson 19.1
Shuldam-Shaw
Sung by John Stickle – 1947

Will ye come in into our Ha'
[Scowan Earl grey]
Yes we'll come in into your Ha'
[For yetter kangra norla]

And we'll comin in into your ha'
And we'll come in among ye a'

First they played the notes o noy
Then they played the notes o joy

Then they played the good old gabber reel
Scowan Earl Grey
Which might a made a sick heart heal
For getter kangra norla