The Mudcat Café TM
Thread #34525 Message #1908142
Posted By: sian, west wales
13-Dec-06 - 03:59 AM
Thread Name: Lyr Req: Pretty Little Pink
Subject: RE: Lyr Req: Pretty Little Pink
From "The Scots Musical Museum: 1787 - 1803", James Johnson & Robert Burns ...
Heres to thy health my bonie lass
Written for this Work by Robt Burns
Tune, Loggan burn
Here's to thy health, my bonie lass
Gude night and joy be wi' thee:
I'll come nae mair to thy bower-door,
To tell thee that I loe thee.
O dinna think my pretty pink,
But I can live without thee:
I vow and swear, I dinna care
How lang ye look about ye.
Thou'rt ay fae free informing
Thou hast nae mind to marry.
I'll be as free informing thee,
Nae time hae I to tarry.
I ken thy friends try ilka means
Frae wedlock to delay thee;
Depending on some higher chance,
But fortune may betray thee.
I ken they scorn my low estate,
But that does never grieve me;
For I'm as free as any he,
Sma' siller will relieve me.
I'll count my health my greatest wealth
Sae lang as I'll enjoy it:
I'll fear nae scant, I'll bode nae want
As lang's I get employment.
But far off fowls hae feathers fair,
And ay until ye try them:
Tho' they seem fair, still have a care,
They may prove as bad as I am.
But at twel at night, when the moon shines bright,
My dear, I'll come & see thee;
For the man that loves his mistress weel
Nae travel makes him weary.