GI'E ME A LASS WI' A LUMP O' LAND
Composed by Allan Ramsay to the air of "The Lass wi' the Lump o' Land." It appeared in the second volume of the Tea Table Miscellany. Ross p.10

GI'E me a lass with a lump o' land,
And we for live shall gang thegither;
Tho' daft or wise, I'll ne'er demand,
Or black or fair, it maksna whether.
I'm aff wi' wit, and beauty will fade,
And blood alane 's nae worth a shilling;
But she that's rich, her market's made,
For ilka charm about her's killing.

Gi'e me a lass with a lump o' land,
And in my bosom I'll hug my treasure;
Gin I had ance her gear in my hand,
Should love turn dowf, it will find pleasure.
Laugh on wha likes; but there's my hand.
I hate with poortith, though bonnie, to meddle:
Unless they bring cash, or a lump o' land,
They'se ne'er get me to dance to their fiddle.

There's meikle gude love in bands and bags;
And siller and gowd's a sweet complexion
But beauty and wit are virtue, in rags,
Have tint the art of gaining affection.
Love tips his arrows and woods and parks,
And castles, and riggs, and muirs, and meadows;
And naething can catch our modern sparks,
But weel-tocher'd lasses, or jointer'd widows.