The Mudcat Café TM
Thread #68723   Message #2200433
Posted By: Jim Dixon
23-Nov-07 - 12:01 AM
Thread Name: Lyr Req: Fate o' Charlie & My Bonny Hieland Laddie
Subject: Lyr Add: O MY BONNY HIGHLAND LADDIE (from J Hogg)
From The Jacobite Relics of Scotland by James Hogg, 1821:


Our gallant prince is now come hame
To Scotland, to proclaim his daddie:
May Heav'n protect the royal name
Of Stuart, and the tartan plaidie!

CHORUS: O my bonny Highland laddie,
My handsome charming Highland laddie!
May Heav'n still guard, and him reward,
Wi's bonnet blue, and tartan plaidie!

When first he landed on our strand,
the gracefu' looks o' that brave laddie
Made every Highland heart to warm
And lang to wear the tartan plaidie.

When Geordie heard the news belyve,
that he was come before his daddie,
He thirty thousand pounds would give,
to catch him in his tartan plaidie.

But Geordie kend the better way,
To stay at hame wi' his braw lady.
Wha canna fight, he needs must pay,
To ward the glent o' Highland plaidie.

He sent John Cope unto the north,
wi' a' his men for battle ready;
But Charlie bauldly sallied forth,
wi' bonnet blue and belted plaidie.

Cope rade a race to Inverness,
and fand the prince gane south already,
Like lion bold, all uncontrolled'd,
wi' belt, and brand, and tartan plaidie.

Cope turn'd the chase and left the place;
the Lothians was the next land ready;
And then he swore that at Gladsmuir
he wad disgrace the Highland plaidie.

Says he, "My lads, I tell you true,
I'm sorry that they're sae unready.
Small is the task we have to do,
To catch this rebel in his plaidie."

The prince he rose by break of day,
And blythely was he buskit ready.
"Let's march," said he; "Cope langs to see
The bonnet blue, and belted plaidie."

They were nae slack, nae flinching back;
In rank and file they marched steady;
For they were bent, with one consent,
To fight for him that wore the plaidie.

But soon John Cope cried to his men,
"For gudesake turn, ye dogs, and speed ye,
And let each man 'scape as he can.
The deil confound the tartan plaidie!"

Some rade on horse, some ran on foot;
Their heels were light, their heads were giddy:
But, late or air, they'll lang nae mair
To meet the lad wi' the Highland plaidie.

Now, where is Cope, wi' a' his brag?
Say, is the craven gane already?
O leeze me on my bonny lad,
His bonnet blue and belted plaidie!