From Edinburgh and Country Croonings by James Lumsden, 1905, page 109f.

TYNESIDE.
[EAST LOTHIAN.]

THERE is a nook on Tyneside,
A little, biel', bonnie nook,
That aye to me the warld wide,
Is sadder-sweet than ony nook;
Around it tangling woodbine,
Green ivy an' eglantine,
With birks, to mak' a bower, twine
An' be Love's ain nook.

That nook on bonnie Tyneside,
That hallow'd nook I ken weel!
O never wi' as fond a tide
Did river round a shore swiel!
Safe murmurings are stirr'd there,
Sweet is the music heard there,
Rare sings the Mavis bird there,
Gloaming's fa' to peel.

Around that nook on Tyneside,
Her spirit hov'ring evermair,
Shall ward that nook on Tyneside
Wi' ne'er-ending love and care!
Within its shade we parted
Ere love was sudden thwarted
By fell Death—sae stane-hearted,
E'en Jean he wadna spare!