Here are the words:

LADY KEITH'S LAMENT

Verse 1
I may sit in my wee croo hoose, wi' my rock and my reel tae toil, fu' dreary,
And I may think on the day that's gane, and will sigh and sab till I am weary,
I ne'er could brook, I ne'er could brook, a foreign loon tae own or flatter,
But I will sing a rantin' sang, that day oor King comes o'er the water.

Verse 2
Oh I hae seen the guid auld day, the day o' pride and chieftain's glory,
When Royal Stuart bare the sway, ans we ne'er heard tell o' Whig or Tory,
Tho' lyart be my locks and gray, auld age has crook't me doon, what matter,
I'll dance and sing ae ither day, that day oor King comes o'er the water.

Verse 3
Oh gin I live tae see the day, that I hae begged and begged frae heaven,
I'll fling my rock and reel away, and I'll dance and sing frae morn till even,
For there is ane I widnae name, wha comes the beengin' byke tae scatter,
And I will put on my bridal goon, that day oor King comes o'er the water.

Verse 4
A curse on dull and drawlin' Whig, the whinin' rantin' low deceiver,
Wi' heart sae black and look sae big, and cantin' tongue o' clishmaclaver,
My faither was a guid Lord's son, my mither was and Earl's daughter,
And I will be Lady Keith again, that day oor King comes O'er the water.


Regards
acormack@opera.iinet.net.au