The Mudcat Café TM
Thread #115692 Message #2478838
Posted By: Jim Carroll
29-Oct-08 - 06:31 AM
Thread Name: Songs about ghosts
Subject: Lyr Add: THE DUNDEE GHOST (Matt McGinn)
Long live Matt McGinn!
THE DUNDEE GHOST
Noo a deid man seldom walks; he very rarely talks. [dead] It's no very often you'll find him runnin' aroond, But I am a refugee frae a graveyard in Dundee, And I've come tae haunt some hooses in Glesga Toon. I've come tae haunt some hooses in Glesga Toon.
The reason I arose was to get masel' some clothes, For it really gets helluva cold below the grund, But I whispered tae masel', "Ach, I think I might as well Hang aroond for a while and hae some fun, Hang aroond for a while and hae some fun."
A man put oot his light on a cold and wintery night. I showed him one o' ma eyes and slapped his heid. He says "Oh", and I says "boo". He says, "Who the hell are you?" I says, "Don't be feart; I'm only a man that's deid. [afraid] Don't be feart; I'm only a man that's deid."
Noo the fella knelt and prayed, and this is what he said: "Why, in the name o' God have you picked on me?" So I pulled away his rug and I skelped him one on the lug. [ear] "The reason," says I, "I'll very soon let you see". "The reason," says I, "I'll very soon let you see".
When he brought the polis in, I belted him one on the chin. [police(man)] The polis turned aroond and he blamed my friend. He marched him tae the jile; he'll be in there quite a while, [off to gaol] But I'll see naebody taks his single end. [House of one apartment, flat] I'll see naebody taks his single end.
Noo the polis thoucht him daft, and a lot o' people laughed When the fella said a ghost was in his hoose, But whit the fella said was true, and I might be visitin' you, So just remember, I'm still on the loose. Just remember, I'm still on the loose.