This song is about the North East of Scotland and the traditional role of the fisherman's wife. How the fishermen's braveness is more than matched by the courage of the women. The women used to carry the men to and from their boats so as the men didn't get their feet wet.

A BRAVE WOMAN

Feel the tide carress the bow
The saat stings in yer een
Feel the wind across yer face
As the land is left aleen
Wi nae si much as a backward glance
And ivvery boat's the same
It taks a brave man ti gang ti sea
A brave woman ti bide at hame

A fisherman aboord a boat
Fan he's sailing on the sea
Can ging for days in gales and storms
Athoot a wink o' sleep
But his wife'll tak him on her back
And cairry him fae far he came
It taks a brave man ti gang ti sea
A brave woman ti bide at hame

Chorus

Brocht up ti the fishing wye
Nae thocht o' naething else
Feed yer man and yer bairnies first
Afore ye feed yersel

Bait the sma lines through the nicht
Shielin mussels ivvery day
Wash his feet and shave his face
Sleep wi him and pray
For God ti save him fae the sea
And her fae anither bairn
It taks a brave man ti gang ti sea
A brave woman ti bide at hame

See the sail boats runnin hame
Afore November's gales
See the weemen on the beach
Fillin their mussel pails
Ivvery year a boat gings doon
A wife and mither is left again
It taks a brave man ti gang ti sea
A brave woman ti bide at hame

Chorus

See the aal wife starin oot
Pullin tee her shawl
Thinkin back ti her younger days
Afore the purse and trawl
A picter o' her fower young loons
Stares back fae a silver frame
It taks a brave man ti gang ti sea
A brave woman ti bide at hame

Chorus
Chorus

Cheers

Bill

^^

---

--- Line breaks
added ---
-- PA --