On the McCalmans' albums, SMUGGLER is called "traditional." This looks like an earlier version of the same song.

From A Pilgrimage to the Land of Burns by Hew Ainslie (Deptford: Printed for the author by W. Brown, 1822):


THE LADS O' LENDALFIT

The boat rides south o' Ailsa craig
In the doupin' o' the light;
There's thretty men at Lendalfit
To make her burden light.

There's thretty naigs in Hazel-holm
Wi' the halter on their head,
Will cadg'd this night, ayont yon hight,
If wind an' water speed.

Fy reek ye out the pat an' spit,
For the roast, but an' the boil,
For, wave-worn wight, it is nae meet,
Spare feeding an' sair toil.

O, Mungo, ye've a cozzy bield
Wi' a butt ay an' a ben,
Can ye no live a lawfu' life,
An' ligg wi' lawfu' men?

Gae blaw your win aneth your pat,
It's blawn awa on me,
For, bag and bark, shall be my wark,
Until the day I die.

Maun I haud by our hameart goods
An' foreign gear sae fine?
Maun I drink at the water wan
An' France sae rife o' wine?

I wou'dna wrang an honest man
The worth o' a siller crown;
I cou'dna hurt a yearthly thing,
Except a gauger loun.

I'll underlye a' rightfu' law
That pairs wi' heav'ns decree.
But acts an' deeds o' wicked men
Shall ne'er get grace from me.

O weel I like to see thee, Kate,
Wi' the bairnie on thy knee;
But my heart is now, wi' yon gallant crew,
That push through the angry sea.

The jauping weet, the stented sheet,
The South-west stiffest gowl—
On a moonless night, if the timmer's tight,
Are the joys o' a smuggler's soul.