Here's how it appears in The Edinburgh Book of Twentieth-Century Scottish Poetry edited by Maurice Lindsay and Lesley Duncan (Edinburgh: Edinburgh University Press, 2005), page 113:


THE WEE COCK SPARRA
Hugh Frater and Duncan Macrae

A wee cock sparra sat on a tree,
A wee cock sparra sat on a tree,
A wee cock sparra sat on a tree
Chirpin awa as blithe as could be.

Alang came a boy wi' a bow and an arra,
Alang came a boy wi' a bow and an arra,
Alang came a boy wi' a bow and an arra
And he said: 'I'll get ye, ye wee cock sparra.'

The boy wi' the arra let fly at the sparra,
The boy wi' the arra let fly at the sparra,
The boy wi' the arra let fly at the sparra,
And he hit a man that was hurlin' a barra.

The man wi' the barra cam owre wi' the arra,
The man wi' the barra cam owre wi' the arra,
The man wi' the barra cam owre wi' the arra,
And said: 'Ye take me for a wee cock sparra?'

The man hit the boy, tho he wasne his farra,
The man hit the boy, tho he wasne his farra,
The man hit the boy, tho he wasne his farra
And the boy stood and glowered; he was hurt tae the marra.

And a' this time the wee cock sparra,
And a' this time the wee cock sparra,
And a' this time the wee cock sparra
Was chirpin awa on the shank o' the barra.