Here's another set from Greig-Duncan, this one as sung by Andy Hunter and with a chorus, on the CD "Folk Songs of North-East Scotland: Songs from the Greig-Duncan Collection as performed at the Edinburgh International Festival":

O it's yinced I was a weaver, my name is Jeckie Broon,
It's yinced I was a weaver and I dwelt in Maxwellton,
But noo I've joined the sodgers and tae Perth I'm gaen awa
Tae join that heilan regiment, the gallant forty-twa.

Chorus
Ye can talk aboot your first royals, Scottish fusiliers,
Your Aiberdeen militia and your dandy volunteers,
Your Seaforths wi their streekit kilts, and your Gordons big and braw,
But gae bring tae me the tartan o the gallant forzy-twa.

O the verra first day an parade was wi a lot o young recruits
And the sergeant he got on tae me for aye lookin at my boots,
He tapped me on the shouder says ye'll hae tae come awa,
For you're gaen tae mak a hell o a mess o the gallant forty-twa.

O it's whan the bugle sounded and dinner time cam roon
They handed me a wooden bowl and a muckle wooden spoon;
Roon cam the orderly officer, but he turned his heid awa,
O ye are the biggest glutton in the gallant forty-twa.

It was ince o at manoeuvers the sergeant said tae me,
Yell moot aboot and scoot aboot and see what ye can see,
But if ye keep your heid aye bobbin up, man, ye'll gie us a awa
For ye have the biggest napper in the gallant forty-twa.

O it's noo I've got on furlough, tae Dundee I maun gang,
And I will learn my comrades hoo tae hanle a gun,
They'll tak me in an stan a treat, then it's I'll begin tae blaw
And they'll think that I'm fu colonel ower the gallant forty-twa.

streekit = stripped
moot = skulk
scoot = dart
napper = head

Jon Bartlett