From Whistle-Binkie: Or the Piper of the Party, Being a Collection of Songs for the Social Circle, Volume 1 (Glasgow: David Robertson & Co., 1873), page 291:


JOHN GUN.
Alex. Laing.

He's a bauld beggarman, John Gun, John Gun,
He's a bauld beggarman, John Gun;
O far he has been an' muckle he's seen,
An' mony an ill deed he's dune, John Gun,
An' mony an ill deed he's dune.

He's been 'mang the French, John Gun, John Gun,
He's been 'mang the French, John Gun;
But sune he came hame—he made little o' them,
They had vagrants enou' o' their ain, John Gun,
They had vagrants enou' o' their ain.

The fouks a' fear John Gun, John Gun,
The fouks a' fear John Gun;
When he comes in, ye'll hear nae din,
But our breath gaun thick out an' in, John Gun—
But our breath gaun thick out and in.

An' how does he fend? John Gun, John Gun,
An' how does he fend? John Gun—
He fends unco weel, he gets milk, he gets meal—
But no for his guid but his ill, John Gun—
But no for his guid but his ill.