For a tongue-in-cheek approach to Celtic Revival Christian/NeoPagan seasonal observances, do wander over and meet the Beaker Folk.
Also, here's a wee Imbolc bit unearthed from the Ceilidh House compost pile:
IMBOLCTIDE
When yon Auld Grannie gyres an gimps an unco dance on cranreuch groond an gies her sillar curls a crimp, Ye ken that Imbolc's comin roond.
When sillar hammers, blaw for blaw fa habber-haird in hinmaist hone then haud ye fast, for soon the thaw will prize awa cauld winter's loan
Nae lang she'll lanesame bide, nor sup Wi'oot the dochter she lo' best; Nae grannie redds the kailyird up But for the thocht o some comin guest!
Nae mair the lanesame anvil-drum Will mairk the pace o Grannie's dance-- The Lass o the Lintin Wind sall come An lowpin lambies hae their chaunce--
For Grannie Cailleach's time grows short An wee snaw-drappies rowthie ring For Brigid comes, blithe hope tae sport An aifter Brigid comes-- the Spring!