From Edinburgh and Country Croonings by James Lumsden (Edinburgh: William Macdonald & Co., Ltd., 1905), page 61.

THE CASTLE.
[Edinburgh.]

I am the "Lion" Wallace saw—
The same dour lion nane may thraw-
Warder of Auld Scotland's law
      And true libertie!

Centuries and ages flown—
What hae they but honours thrown
Round my rugged brow and crown,
      Time ne'er steals awae!

I stand up—to a' declare
Scotland's weal and power's my care!
Sib and fremit faes beware—
      Bide atowre frae me!

The feck o' ages I hae seen,
Scotland's royal roost I've been,
Freedom's stronghold—staunch, serene,
      Bauld and leal for aye!

Freedom is the "Lion's" wean,
Freedom is the "Lion's" ain!
Match the "Lion" in his den—
      Or let Freedom be!

Here I stand and watch for aye,
Rair the Hour* out day by day—
Freedom true to sound the sway,
      From far sea to sea!


* The daily time gun at 1 p.m.