HAPPY WE ARE A' THEGITHER

Here around the ingle bleezin',
Wha see happy and sae free?
Tho' the northern wind blaws freezin',
Freenship warms baith you and me.

CHORUS:
Happy we are a' thegither,
Happy we'll be, ane an' a';
Time shall see us a' the blyther
Ere we rise to gang awa'.

See the miser o'er his treasure
Gloatin' wi' a greedy ee!
Can he feel the glow o pleasure
That around us here we see?

Thus then let us a' be tassin'
Aff our stoups o gen'rous flame;
And while roun' the board 'tis passin',
Raise a sang in frien'ship's name.

Freenship maks us a' mair happy'
Freenship gies us a' delight;
Freenship consecrates the drappie,
Freenship brings us here the night.

That's more or less as it was sung by Willie Scott - I got the text off the web and fixed a couple of typos.