From Logie O'Buchan: An Aberdeenshire Pastoral of Last Century By Gavin Greig (Aberdeen: D. Wyllie & Son, 1899), page 118:


THE PLOOMAN.

O weel I like a plooman lad,
Sae weel's I like my plooman;
'Mang a' the lads baith near and far,
Commend me to the plooman.

There's clever chiels at Rattery,
They're unco braw at Haddo;
But O, it's Johnnie I lo'e best,
My bonnie plooman laddie.

O weel I min' on Sandy Gibb,
When first I fee'd at Essie;
O Sandy was a lad to coort,
He ca'd me his dear lassie.

And syne I liket Geordie Rae,
He was a handsome fellow;
But he gaed aff wi' Kirsty Broon,
They're bidin' at Craigellie.

But noo I've Johnnie for my jo,
And him I lo'e richt dearly;
And we will mairry at Whitsunday,
And syne we'll ne'er think weary.

For weel I like my plooman lad,
Sae weel's I like my plooman;
'Mang a' the lads baith near and far,
Commend me to the plooman.

The narrative in this book says this was sung, but it gives no tune, and I have been unable to identify the original tune. I believe the song is in "The Grieg-Duncan Folk Song Collection" where it is called Song 451: COMMEND ME TO THE PLOOMAN, but Google Books does not allow me to view that book.

Burns' song THE PLOUGHMAN also contains the line "Commend me to the ploughman" but the rest of the song is quite different.