Dandelions and Daisies by Iain Ingram (you need to get Iain or me to sing you the tune!)
We started doon the road, wi' nuthin' but dreams o' plenty
True love was a' we owned, oor pockets were ayways empty
Noo the years have sped swiftly by, and hardship has been the reason
For driftin' far apart, abandonin' dreams we shared

chorus
For dandelions and daisies was a' I gied tae you
The weeds that spring alang the wastegrun' whaur roses never grew

Oh Time's been hard on you, Ah wish Life had been much kinder
We merriet far too young, baith sixteen and still sae tender
Ye feel life has passed ye by, ye're wantin' a taste o' freedom
Perhaps Ah didnae try as hard as Ah could hae done.

chorus

And noo we're on oor ain, the children are a' fu' grown
They've gone their separate weys, the winds o' guid fortune blowin'
Dae ye think we could try again, we are older but far the wiser
Re-kindlin' that old flame, the embers we thought had died?

chorus

(NB dialect is Glaswegian)