I don't have access to the 1797 edition, but I found this one. I don't suppose the text changed much between editions.

From The Scots Musical Museum, Volume 3 by James Johnson & William Stenhouse (Edinburgh: William Blackwood and Sons, 1853), page 466:


454
OUR GOODMAN CAME HAME AT E'EN, &c.

1. Our goodman cam hame at e'en,
And hame came he;
And there he saw a saddle-horse,
Where nae horse should be.
O how came this horse here?
Or how can it be?
O how came this horse here,
Without the leave o' me?
A horse, quo' she:
Ay a horse, quo' he.
Ye auld blind dotard carl,
And blinder mat ye be
'Tis but a dainty milk cow,
My minny sent to me.
A milk cow! quo' he;
Ay a milk cow, quo' she.
O far hae I ridden,
And meikle hae I seen,
But a saddle on a milk cow
Afore I ne'er saw nane.

2. Our goodman cam hame at e'en,
And hame came he;
He spy'd a pair of jackboots,
Where nae boots should be.
What's this now goodwife?
What's this I see?
How came these boots there,
Without the leave o' me?
Boots! quo' she:
Ay, boots, quo' he.
Shame fa' your cuckold face,
And ill mat ye see,
It's but a pair of water stoups
The cooper sent to me.
Water stoups! quo' he;
Ay, water stoups, quo' she.
Far hae I ridden,
And farer hae I gane,
But siller spurs on water stoups
Saw I never nane.

3. Our goodman came hame at e'en
And hame came he;
And then he saw a (siller) sword,
Where a sword should not be:
What's this now goodwife?
What's this I see?
O how came this sword here,
Without the leave o' me?
A sword, quo' she:
Ay, a sword, quo' he.
Shame fa' your cuckold face.
And ill mat you see,
It's but a parridge spurtle
My Minnie sent to me.
(A parridge spurtle! quo' he:
Ay, a parridge spurtle quo' she.)
Well, far hae I ridden,
And muckle hae I seen;
But siller handed (parridge) spurtles
Saw I never nane.

4. Our goodman came hame at e'en,
And hame came he;
There he spy'd a powder'd wig,
Where nae wig should be.
What's this now goodwife?
What's this I see?
How came this wig here,
Without the leave o' me.
A wig, quo' she:
Ay, a wig, quo' he.
Shame fa' your cuckold face,
And ill mat you see,
'tis naething but a clocken hen
My Minnie sent to me.
A clocken hen, quo' he:
Ay, a clocken hen, quo' she.
Far hae I ridden,
And muckle hae I seen,
But powder on a clocken-hen,
Saw I never nane.

5. Our goodman came hame at e'en,
And hame came he;
And there he saw a muckle coat,
Where nae coat shou'd be.
O how came this coat here?
How can this be?
How came this coat here
Without the leave o' me?
A coat, quo' she:
Ay, a coat, quo' he.
Ye auld blind dotard carl,
Blind mat ye be,
It's but a pair of blankets
My Minnie sent to me.
Blankets, quo' he:
Ay, blankets, quo' she.
Far hae I ridden,
And muckle hae I seen,
But buttons upon blankets
Saw I never nane.

6. Ben went our goodman,
And ben went he;
And there he spy'd a sturdy man,
Where nae man should be.
How came this man here.
How can this be?
How came this man here,
Without the leave o' me?
A man, quo' she:
Ay, a man, quo' he.
Poor blind body,
And blinder mat ye be,
It's a new milking maid,
My mither sent to me.
A maid! quo' he:
Ay, a maid, quo' she.
Far hae I ridden,
And muckle hae I seen,
But lang-bearded maidens
Saw I never nane.