The Mudcat Café TM
Thread #119034 Message #3011017
Posted By: GUEST,Gallus Moll
19-Oct-10 - 06:00 PM
Thread Name: Lyr Req: Going Doon the Watter (fur the Ferr)
Subject: Lyr Add: DAYS O' DOON THE WATTER (Iain Ingram)
DAYS O' DOON THE WATTER
by Iain Ingram
1. Ma faither worked fer buttons in a wee dry-salter's shop
But we were young and didnae huv a care
Oor shoes a' scuffed and worn, oor dungarees a' torn
Oor sloppy-joes jist wernae fir tae wear
Noo me and ma wee brither we were headaches tae ma mither
Dirty fer the best part o' the year
But she hud us clean as whistles in oor kilts an' Co-op sandals
When we went doon the watter fer the Ferr.
CHORUS: And we're sainin' doon the Clyde, Sailin' doon the Clyde
An' headin fer Kilcreggan in the mornin'
Then on tae Rothesay Bay, we leave on Setturday
Tae catch the Jeannie Deans fae Craigendorran.
2. The holidays was a' I think that kept ma faither gaun,
A time that he enjoyed as much as me
The faimily a'thegither' we didnae mind the weather,
He'd laugh and sing and bounce us on each knee
Oh toora-loora-liday, Ah finish work on Friday
His troubles seemed tae vanish in the air
But noo he's gone forever like the steamers on the river
That went sailin' doon the watter fer the Ferr.
3. The golden age o paddle steamers sadly disappeared
And Simmertime just doesn't seem the same
Those days o' river cruisin', that slowly we were losin'
An era that will never come again.
And noo we fly tae Malta, Majorca and Gibraltar,
France and Spain and sunny Italy
And the kids all think it's Heaven like the Clyde for me at seven
But the days o' doon the watter gone for me.
N.B. This is from memory, I'll need to listen to the tape to check words—and as usual if you want the tune you'll have to speak to me or Iain—till I manage to get him onto that site where people post themselves singing!!!!!