LULLIN' THE LITTLIN'
(Mrs Zeta MacDonald)

Lie doon ma bonnie wee littlin'
Roun' wi' yer een tae the wa'
Oh, lie doon ma bairnie an sleep bonnie sleepies
Mammy will rock ye awa'

Dream o' yer Daddy's wee boatie
Sailin' sae blithe on the sea
An' fin ye are waukent yer Daddy is comin'
Wi' fishies tae fry tae yer tea

An' dream o' the bonnie wee wavies
Dancin' sae blithe on the sea
An' fin ye are waukent the tide will be turnin'
An' I'll tak' ye widin' wi' me

An' dream o' the bonnie wee buckies
Nestlin' sae snug in the san'
An' fin ye are waukent the gamies ye'll play there
Wrappe'd in yer ain wonderlan'

Sae lie doon ma bonnie wee littlin'
Roun' wi' yer een tae the wa'
Oh' lie doon ma bairnie an' sleep bonnie sleepies
Mammy wi' rock ye awa'

Notes: Zeta MacDonald was Isla St Clair's grandmother. Recorded by Isla (sigh) on the Traditional Scottish Ballads LP.

This ok Lena?

Mike