THE LAST CLYDESDALES
composed by a Fife horseman Archie Webster around 1950

Noo come aa ye young plooboys an 'list tae ma tale,
Wha sit roon the table aa drinkin your ale;
I'll tak ye aa back tae yon far distant day,
When I drove the last Clydesdales tae work on Denbrae.

There were twa bonnie blacks wi white faces an feet,
In the hale country roun they could never be beat,
Ye'd tae look roun gey far 'tween the Forth and the Tay,
Tae match ma twa Clydesdales, the pride o Denbrae.

They were matchless in power in the cairt, binder or ploo,
Ma voice and ma hands on the reins they well knew;
There wis niver a thocht in theior minds but obey,
Ma twa gallant Clydesdales, the pride o Denbrae.

But the time it wears on and the winters grow cauld,
And horses like men can dae nocht but grow auld;
But I mind on them still though it were yesterday,
When I drove the last Clydesdales that worked on Denbrae.

So come aa ye young plooboys an 'list tae ma tale,
Wha sit roon the table aa drinkin your ale;
I'll tak ye aa back tae yon far distant day,
When I drove the last Clydesdales tae work on Denbrae.

Unfortunately I don't know the original tune for this but it will fit with a tune called "The Luckenbooths"

CC

---

Not the exact same lyrics - The Last Clydesdales · Jack Beck & Sandy Stanage

https://www.youtube.com/watch?v=p6MjaCHEdGU