Thought this might just go along with the theme.

Coronation Coranach.
by
Morris Blythman [aka Thurso Berwick]

Tune The Sash

Noo Scotland hasnae got a King,
An it hasnae got a Queen;
For ye cannae hae the second Liz
When the first yin's never been.

Chorus:
Nae Liz the Twa, nae Lllibet the Wan --
Nae Liz will ever dae!
For we'll mak oor land republican
In a Scottish break-away.

Noo her man's cried the Duke o' Edinburgh --
He's wan o yon kilted Greeks.
Here, but dinnae blaw my kilts awa,
For it's Lizzie wears the breeks.

He's a handsome man, an he looks like Don Juan;
He's beloved by the weaker sex.
But it disnae really matter a damn,
For its Lizzie signs the cheques.

Noo her sister Megs got a bonny pair o legs,
But she didnae want a German or a Greek.
Puir auld Peter was her choice, but he didnae suit the boys,
So they selt him up the creek.

Here, but Meg was fly, and she beat them by and by
Wi Tony Hyphenated-Armstrong
But behind the pomp an play, the question o' the day
Was, who the hell did Suzy Wong?

Sae heres tae the Lion, tae the bonny Rampant Lion,
And a lang stretch tae its paw.
Gie a Hampden roar, and It's oot the door,
And ta-ta tae Chairlie's Maw.