NORLAND WIND

Tell me what was on yer road, ye roarin' norland wind,
As ye cam' blowin' frae the north that's never frae ma mind.
My feet they've traveled England, but I'm deein' for the north.
Oh, man, I saw the siller tide rin up the Firth o' Forth.

Ay wind I ken them weel enough and fund them fa an rise,
An frae the fields o' creepin' mist on yonder shore that lies.
But tell me as you pass them by what saw ye on yer way.
Oh, man, I roch the rovin' gulls that sail abin the Tay.

But saw ye nothin' leein' wind, afore ye come tae Fife?
Fir there's muckle lyin' yon the Tay that's mair tae me than life.
Ay, man, I swept the Angus braes that ye hav'nae trod fir years.
Oh, wind, whar gae a hameless loon that cannae see fir tears?

And far above the Angus straths I heard the wild geese flee.
A lang, lang skene o' beatin' wings wi' their heads towards the sea,
An' ay their roarin' voices trailed ahint them on the air.
Oh, wind, hae mercy, haud yir whisht, fir I darnae listen mair.

Recorded as "South Wind" by Jean Redpath on "A Fine Song for Singing."

Alex
O..O
=o=