A version of "Dip Dem, Bedward," by Sam West, was posted in the thread "Origins: Sly Mongoose," 138126.

Lyr. Add: BEDWARD
Anon. folk.

An' me always go up a de Augus' Town
But me never go up a Mona.
One day I was invited
By a ole man dem call Jonah,
When me go up a Mona,
me see Bredda Bedward standin',
Im tek Sister Mary pull im han'
An' dip her in de healin' stream.

Chorus:-
Dip dem Bedward dip dem
Dip dem in de healin' stream
Dip dem sweet but not too deep
Dip dem fe cure bad feelin'.

2
Some ride jackass but dem cyan get a pass,
Fe go dip in a de healin' stream.
Some carry Jimmy John, wid dem face favah pan,
Fe go dip in a healin' stream.
3
Some come from the wes' like a perfec' pes',
Fe go dip in a de healin' stream.
Some come from eas' like a big leggo beas'
Fe go dip in a de healin' stream.
4
Some come from de north wid dem face full a wart
Fe go dip in a de healin' stream.
Some come from de south wid dem big *yabba mouth
Fe go dip in a de healin' stream.

*Yabba- Big pot, Awawak origin, for domestic use.
leggo- let go

p. 38, with musical score.
Olive Lewin, Coll., 1973, Forty Folk Songs of Jamaica, General Secretariat of the Organization of American States, Washington, D.C.