UNITY (from "Mango Time" on p116-117. Sheet music with melody and lyrics. Described as "A mento song concerning an exorcism in rural Jamaica")

UNITY

1. Tell dem Brown's Town gyal mi say,
Tell dem Brown's Town gyal mi say,
Tell dem Brown's Town gyal mi say
Dem tek cocoa bade Miss Matty.

Chorus
Come wi go dung a Unity,
Come wi go dung a Unity,
Come wi go dung a Unity
Fi go si Matty chase one duppy*.

2. Tell Missa Tingling write di note,
Tell Missa Tingling write di note,
Tell Missa Tingling write di note
For duppy de go run like hell tonight.

(1st Chorus)

3. Firs' of all she tie ar ed,
Secondly she put on red,
Then she start provoke di dead
Jus' watch Matty an' di duppy.

(Chorus)

4. She buy one bran' new shetpan*
An' pack it full a white rice
Shake it up, wheel roun' three time
Den open di pan mek di duppy feed.

(Chorus)

5. Matty start fi groan an' prance,
Den she drop dung eena dance,
Now di whole ting gone to France,
Jus' watch Matty ketch di duppy.

(Chorus)

6. When Matty get up off di groun'
Tek up ar foot an' start fi run,
Matty bawl, nearly bun dung* town
When di duppy chase poor Matty.

Last Chorus
Come wi go dung a Unity,
Come wi go dung a Unity,
Come wi go dung a Unity,
Fi go si duppy chase poor Matty.

*shetpan- literally "shutpan", a can with a lid
*duppy*- a ghost or spirit
*bun dung*- burn down