From Scotish [sic] Song, Vol. 1 by Joseph Ritson (London: J. Johnson, 1714), page 45 – where it appears with musical notation for the melody line.
^^

LOW DOWN IN THE BROOM

1. My daddy is a canker'd carle.
He'll nae twin wi' his gear.
My minny she's a scalding wife,
Hads a' the house a-steer.

CHORUS: But let them say, or let them do,
It's a' ane to me;
For he's low down, he's in the broom,
That's waiting on me:
Waiting on me, my love,
He's waiting on me,
For he's low down, he's in the broom,
That's waiting on me.

2. My aunty Kate sits at her wheel
And sair she lightlies me;
But weel ken I it's a' envy
For ne'er a jo has she.

3. My cousin Kate was sair beguil'd
Wi' Johny i' the glen;
And ay sinsyne she cries, "Beware
Of false deluding men."

4. Gleed Sandy he came west ae night
And spier'd when I saw Pate;
And ay sinsyne the neighbours round
They jeer me air and late.