Hi Frank here again. These are the words. If you need any translation,explanation or pronunciation just ask.


Hasta Luego
Copyright Frank Rae

Rab didnae go tae the fitba' that day
Well, the league, it wis jist aboot won anyway
He said he had something he jist hid tae dae
And he spoke aboot folk he called fascists
He said you're auld enough noo Tam tae go on your own
I'm sure that ye ken the right bus tae get on
But I wisnae tae tell oor Ma where he wis goin'
Then he said he was headin' for Paris


He said gae me a hug and gae me a smile
Ask a man and he'll lift you ower the turnstile
Wave your red banner and hear the crowd roar
But always remember it's fitba' no war

At the end of our road Rab bumped intae some mates
Who quizzed him aboot the International Brigades
They said he was daft he said he couldnae wait
Tae march intae Spain wi' his brothers
Rab telt them a' that tae him it wis clear
If we don't fight them there, we will fight them here
He asked them tae join him said there's nuthin' tae fear
Jist as long as we a' stick thegither

        He said ….etc

Rab said life's no like fitba' when the sides are a' square
Wi' a ref in the middle tae make sure it's fair
Sometimes the others need mair than oor prayers
And he, fur wan, widnae ignore them
Then he slipped me a tanner, tae spend at the game
Said "Hasta Luego", whatever that meant
He ruffled my hair, smiled, turned then went
And that was the last time I saw him

        He said…..etc

So I gave him a hug and I gave him a smile
I asked a man and he lifted me ower the turnstile
I waved my red banner and hear the crowd roar
And I always remember, it's fitba' no war