Dá mbeadh agam ór agus airgead
Ní fhanfainn anso trí seachtaine
In achrann leis an ndealuas
Ach thogfainn tí thar teorainn.

Fallaí árda marmair,
Fuinneóga breátha geala air
Órnáidí an t-saoil ann bailithe –
Is chuirfinn díom chun bóthair.

Thógfainn seol chun farraige
Go mbeadh an domhain fé'm aitheantas,
Fáilte i ngach halla rogham
'S gan chip na glas ar dhóirse.

Ach cad a dheanfainn féin le'm asailín,
Is le'm ghabhar a thugadh bainne dom,
An botháinín is an gharraí bheag,
An cat 'san ghadhairín gleóite?

'Sé chrá an tsaoil-se an t-airgead,
Bíodh sé gann no fairsing agat
Beidh rud go deo in easnamh ort –
Mar an gobadán sa scéoilín.

Fallai arda marmair,
Fuinneóga breátha geala air
Órnáidí an t-saoil ann bailithe –
Is chuirfinn díom chun bóthair.