The following text is from "The Gaelic Choir" [Gaelic title "A' Choisir-chiuil",] Published at Paisley c. 1920 maybe.

MacCRIMMON’S LAMENT -- CUMHA MHIC CRIOMAIN

1. Dh’ iadh ceo nan stuc mu eudann Chuilinn,
Us sheinn ’bhean-shith a torman mulaid,
Gorm shuilean ciuin ’san Dun a sileadh,
O’n thriall thu uainn ’s nach till thu tuille.

CHORUS: Cha till, cha till, cha till Mac Criomain,
An cogadh no sith cha till e tuille;
Le airgiod no ni cha till Mac Criomain,
Cha till e gu brath gu la na cruinne.

2. Tha osag nam beann gu fann ag imeachd,
Gach sruthan ’s gach allt gu mall le bruthach;
Tha ealtainn nan speur feadh gheugan dubhach,
A’ caoidh gu ’n d’ fhalbh ’s nach till thu tuille. CHORUS

3. Tha ’n fhairge fa-dheoigh lan broin ’us mulaid,
Tha ’m bata fo sheol, ach dhiult i siubhal;
Tha gairich nan tonn le fuaim neo-shubhach,
Ag radh gun d’ fhalbh ’s nach till thu tuille. CHORUS

4. Cha chluinnear do cheol ’san Dun mu fheasgar,
’S mac-talla nam mur le muirn ’ga fhreagairt;
Gach fleasgach ’us oigh gun cheol, gun bheadradh,
O’n thriall thu uainn ’s nach till thu tuille. CHORUS