The Mudcat Café TM
Thread #151087   Message #3523449
Posted By: Richie
06-Jun-13 - 11:13 AM
Thread Name: Origins: Child Ballads: US Versions Part 6
Subject: RE: Origins: Child Ballads: US Versions Part 6
Below is the "original" found in Cromek, Remains of Nithsdale and Galloway Song, p. 83, 1810. Apparently it is a rewrite by Alan Cunningham of Burns with verses 6, 7, 12, 14 and 15 entirely by Cunningham (according to James Paterson).

ORIGINAL OF BURNS'S CARLE OF KELLY-BURN BRAES- Alan Cunningham

1. There was an auld man was hauding his plow,   
Hey! an' the rue grows bonnie wi' thyme!
By came the Devil, says, 'How do ye do?'
An' the thyme it is withered, an' the rue is in prime.

2. It's neither your ox, nor your ass that I crave,
Hey! an' the rue grows bonnie wi' thyme!
But your auld scaulding wife, man, and her I maun have,
An' the thyme it is withered, an' the rue is in prime.

3. 'Go take her, go take her,' the auld carle said,
Hey! an' the rue grows bonnie wi' thyme!
Ye'll no keep her lang, an' that I'm afraid,
An' the thyme it is withered, an' the rue is in prime.

4. The Devil he mounted her on his back,
Hey! an' the rue grows bonnie wi' thyme!
An' awa like a pedlar he trudged wi' his pack,
An' the thyme it is withered, an' the rue is in prime.

5. He carried her on till he came to hell's door,   
Hey! an' the rue grows bonnie wi' thyme!
An' bade her gae in, for a bitch an' a whore,
An' the thyme it is withered, an' the rue is in prime.

6. He placed her on his big arm chair,
Hey! an' the rue grows bonnie wi' thyme!
An' thousands o' Devils came roun' her to stare,
An' the thyme it is withered, an' the rue is in prime.

7. But ay as they at the auld carlin played pouk,
Hey! an' the rue grows bonnie wi' thyme!
She gied them a bann, an' she lent them a clout,
An' the thyme it is withered, an' the rue is in prime.

8. A reekit wee devil gloured owre the wa',
Hey! an' the rue grows bonnie wi' thyme!
Says, help! master, help! or she'll ruin us a',
An' the thyme it is withered, an' the rue is in prime.

9. The deil he came up wi' a good brunstane rung,
Hey! an' the rue grows bonnie wi' thyme!
An' out at the door the auld carlin he swung,
An' the thyme it is withered, an' the rue is in prime.

10. He hynt up the carlin again on his back,   
Hey! an' the rue grows bonnie wi' thyme!
An' awa fu' blythely he trudged wi' his pack,
An' the thyme it is withered, an' the rue is in prime.

11. He carried her owre an acre or two,
Hey! an' the rue grows bonnie wi' thyme!
Till he came to the auld man hauding his plow,
An' the thyme it is withered, an' the rue is in prime.

12. An' ay as the auld carle ranted and sang,   
Hey! an' the rue grows bonnie wi' thyme!
'In troth my auld spunkieye'll no keep her lang;'—
An' the thyme it is withered, an' the rue is in prime.

13. 'Gude morrow,' most sadly, the auld carle said,
Hey! an' the rue grows bonnie wi' thyme!
'Yere bringing me back my auld wife I'm afraid;
An' the thyme it is withered, an' the rue is in prime.

14. 'I tryed her in spunks, and incau'drons, tryed her,
Hey! an' the rue grows bonnie wi' thyme!
'An' the wale o' my brunstane wadna hae fry'd her,
An' the thyme it is withered, an' the rue is in prime.

15. 'I stapped her in the neuk o' my den,
Hey! an' the rue grows bonnie wi' thyme.'
'But the vera damn'd ran, when the carlin gaed ben,
An' the thyme it is withered, an' the rue is in prime.

16. "Sae here's a gude pose for to keep her yoursel',
Hey I an' the rue grows bonnie wi' thyme!
"She's nae fit for heaven, an' she'll ruin a' hell,"
An' the thyme it is withered, an' the rue is in prime.