Clinton:

Are you talking about this one?

BARNYARDS OF DELGATY

As I cam' in by Turra Market,
Turra Market for to fee
I fell in wi' a farmer chiel,
The Barnyards of Delgaty

Lintin addie toorin addie, Lintin addie toorin ee
Lintin lowrin, lowrin, lowrin, The barnyards of Delgaty

He promised me the ae best pair
That ever I set my e'en upon
When I gaed to the Barnyards,
There was naething there but skin and bone

The auld black horse sat on its rump,
The auld white mare lay on her wime
And for all that I could "Hup" and crack
They wouldna rise at yokin' time

When I gae to the kirk on Sunday
Mony's the bonnie lass I see
Sitting by her faither's side
And winkin o'er the pews at me

I can drink and no be drunk
I can fecht and no be slain
I can lie wi another man's lass
And aye be welcome to my ain

Noo my candle is brunt oot
My snotter's fairly on the wane
Sae fare ye weel ye Barnyards
Ye'll never catch me here again

***

If so, I think the missing verse is:

It's Meg McPherson maks my brose,
And wi' her I canna 'gree.
First a mote and syne a knot,
An' aye the ither jilp o' bree.

(There's another that goes before this one, that OBD omits on their "Live" album...)

It's lang Jean Scott wha' maks my bed;
Ye can see the marks upon my shins,
For she's the coorse, ill-trickit jaud
Wha' fills my bed wi' prickly whins.

(Anyway, try Pills of White Mercury and the Bonny Earl of Moray, both page 2)

Sarah

HTML line breaks added. -JoeClone 27-Mar-01.