This is from a broadside in the "Poet's Box" series, published by the Sanderson family in Scotland in the late 19th century. (They had branches in Edinburgh, Glasgow and Dundee; this copy is in Edinburgh Public Library). This is the complete text on the sheet. A pencil note says: In "Readings and Recitations" (Charles Sanderson). No tune is suggested and I don't recognize this as parodying any known song.

POACHING UP-TO-DATE

                   --------------------------
["Two men were fined £120 a-piece for poaching white
             rhinoceroses" -- TIMES OF AFRICA.]
                   --------------------------

I've poached a pickle pairtricks when the leaves were turnin' sear,
I've poached a twa-three hares an' grouse, an' mebbe whiles a deer,
But, oh, it seems an inco' unco' thing, an' juist a wee mysterious,
Hoo any mortal could contrive to poach a rhinocerious.

I've crackit wi' the keeper, pockits packed wi' pheasants' eggs,
An' a ten pun' salmon hanging doon in baith my trooser legs,
But eh, I doot effects wu'd be a wee thing deleterious,
Gin you should stow intil your breeks a brace o' rhinocerious.

I mind hoo me and Wullie shot a Royal in Braemar,
An' brocht him doon tae Athol by the licht o' mune an' star,
An' eh, sirs, but the canny beast contrived to fash an' weary us--
But staigs maun be but bairn's play by a weel-grown rhinocerious.

I thocht I kent o' poaching juist as muckle 's ither men,
But there is still a twa three things I doot I dinna ken,
An noo I canna rest, my brain grows that deleerious,
Tae win awa' tae Africa an' poach a rhinocerious.