The following version supports my theory that Child 74 is simply Child 73 with a different ending. Lord Thomas (Sweet Willie) marries the brown girl, but his wife does not stab Ellinor (Margaret). The different ending is child 74.
"Sweet Willie and Fair Annie" from Greig MS, IV, p. 26; text, Bk. 761, LI, p. 101. Sung by Mrs. Dunbar; learned from her grandmother.
1. What think ye, O father dear, Has Willie slighted me; He bids me come to his marriage And nae his bride to be.
2. It's I've as mony men in my smiddy, Annie As wad buy a weed to thee; It sanna be o' the dowie black, Nor yet o' the dowie grey; But it sall be o' the scarlet red And ye'll wear it daily day.
3. Annie gaed in the heid o' the hill, And Willie gaed in the glen; And Annie had mair show her lane Than Willie and a' his men.
4. When they came to the bridal house And a'were dighted in, And fa was sae ready as Willie's ae sister To welcome fair Annie in?
5. Willie's ta'en aff his hat o' silk, And placed it on Annie's heid,- Ye'll wear that hat yersel', Willie, Ye'll wcar it wi' muckle glee; Ye'll wear that hat yersel', Willie, For ye'll never get mair o' me.
6. Oot then spak the nut-broon bride, And she spak oot in spite, Faur got ye the water, Annie, That washes you sae fite?
7. I got the water in my father's garden, Where ye will never get nane; I got it in my father's larden Beneath the greentree's spring.
8. But ye've been washen in dinnie's well, And dried on dinnie's dyke; And a' the water in the warld Will never wash ye fite.
9. Bu1 thc nut-broon may has coos and yowes, Fair Annie she has nane; The nut-broon may is Willie's bride, Fair Annic maun lie her lane.
10. When-night was come & mass was sung, And a' men bound for bed, Willie & his nut-broon bride Were baith in ae bed laid.
11. They had not been but weel laid doon, Not yet weel fa'en asleep, Till up there started Annie's ghost Just close at their bed-feet.
12. How do you like your blankets, Willie, Or how do you like your sheets? Or how do you like your nut-broon bride, So ready in your arms she sleeps.
13. Weel do I like my blankets, And weel do I like my sheets, But I'm afraid that Annie's ghost It stands at my bed-feet.
14. Lie still, Willie, lie still, Willie, Lie still this nicht wi' me; For it's only the shadow o' Annie's glove That glimmers in your et.
15. Some drew to them their stockin's, their stockin's And some drew to them their shoon, But alas for poor Willie, And clothing he sought nane.
16. He has ta'en his licht mantle, And he's awa to Drumhill; And fa was sae ready as Annie's ae Sister To welcome young Willie in.
17. Come in, Willie, come in, Willie, And lock up a' the deid; For red & rosy were her cheeks last nicht, And the nicht they're but a weed.
18. He laid his heid upon his hands, And oh, his hert grew sair; At the morn at this same time It's sae will ye be at mine.
19. The ane was buried in St. Mary's kirk; And the ither in St. Mary's quire; And oot o' the ane there grew a birk And oot o' the ither a brier.