Just wanted to add that this song appears in British Ballads from Maine by Barry / Eckstorm / Smyth The source is Mrs McGill, from Chamcook New Brunswick (originally from Kirkudbright Scotland) collected in 1928.

The Laird o' Drum

THE LAIRD O' DRUM

It's up yon wild an' lonely glen
Beside there's many a lofty mountain
'T was there I spied a bonny lass
Ae day as I rode out a-huntin'

Her face was fair, her heart was true
Her features they were comely, slender
Her dooncast looks an' sparklin' e'e
Has cast my hairt nae mair tae wander

Says I fair lass whaur is thy hame?
In maire or dell, pray tell me whither?
Kind sir, I tent my fleecy flocks
That feed amang the bonny heather

It's wull ye wed the Laird o' Drum
An sleep wi' him on a bed o' feathers?
Ye'll wear fine silks and' satins braw
An' be the flower amang the heather

O, it's 'deed kin' sir,your offer's fair
I really think wi' me ye're jokin'
For ye are sure some rich man's heir
An' I a lowly shepherd's daughter

It's true , I am my faither's heir,
But he can ne'er control my fancy;
For it's herdin' sheep on yon hill side
I'll gang wi' you, my lovely Nancy